(Anon)
(Anon) (Peire Milo?)
(Anon) (Tribolet?)
Ademar Jordan
Aicart del Fossa - Girart
Aimeric de Belenoi
Aimeric de Pegulhan
Aimeric de Pegulhan - Guilhem de Berguedan
Aimeric de Sarlat
Alais - Iselda - Carenza
Arnaut Daniel
Arnaut de Brantalon
Arnaut de Maroill (Rigaut de Berbezilh?)
Arnaut de Maruelh
Arnaut de Vilanova
Arnaut Peire d'Agange
At de Mons
Azalais
Beatriz de Dia
Bermon Rascas
Bernard Sicard De Marvejols
Bernart de Ventadorn
Bernart de Venzac
Bernart Marti
Bertran Carbonel
Bertran d'Alamano
Bertran de Born
Bertran de Preissac
Bertran de Preissac - Gausbert de Poicibot
Blacasset
Borc del rei d'Aragon - Rostanh Berenguier
Cercamon
Cerveri de Girona
Clara d'Andusa
Dalfin d'Alvernhe - Perdigon
Daude de Pradas
Enric de Rodez - Guilhem de Mur
Folquet de Lunel
Folquet de Lunel - Guiraut Riquier
Folquet de Marselha
Garin d’Apchier
Gaucelm Faidit
Gaucelm Faidit - Perdigon
Gausbert de Poicibot
Gausbert de Pueicibot
Gavaudan
Giacomo da Lentini
Gormonda De Montpelhier
Gui de Cavaillon - Bertran Folco d’Avignon
Gui de Cavaillon - Coms de Toloza
Gui de Cavaillon - Guillem del Bautz
Guigon de Cabanas - Bertran d'Alamano
Guilhem d’Anduza
Guilhem de Balaun
Guilhem de Cervera
Guilhem de l'Olivier
Guilhem de Montanhagol
Guilhem de Mur - Guiraut Riquier
Guilhem de Murs
Guilhem de Peiteu
Guilhem Magret
Guilhem Rainol d’At
Guilhem Rainol d’At - Guilhem Magret
Guillem - Lanfranc Cigala
Guillem de Berguedan
Guillem de Berguedan - Peire Gauseran
Guillem de Mur - Guiraut Riquier - Enric de Rodez
Guillem de Mur - Guiraut Riquier - Enric de Rodez - Marques de Canillac
Guillem de Saint Deslier
Guiraut de Bornelh
Guiraut de Calanso
Guiraut Riquier
Guiraut Riquier - Austorc d’Alboy - Enric de Rodez
Guiraut Riquier - Bofilh
Guiraut Riquier - Coms d’Astarac
Guiraut Riquier - Enric de Rodez - Marques de Canillac - Peire d’Estanh
Guiraut Riquier - Enric de Rodez - Peire Pelet, senher d’Alest
Guiraut Riquier - Enveyos
Guiraut Riquier - Falco
Guiraut Riquier - Guilhem de Mur
Guiraut Riquier - Guillem Rainier
Guiraut Riquier - Jordan - Raimon Izarn - Paulet de Marseilla
Guiraut Riquier - Miquel de Castilho - Codolet
Jacme Grill - Lanfranc Cigala
Jacopo Mostacci
Jaufre de Pon - Guiraut Riquier
Jaufre Rudel
Jordan de l’Isla de Venessi
Lanfranc Cigala
Lanfranc Cigala - Guillelma de Rosers
Lanfranc Cigala - Rubaut
Lanfranc Cigala - Simon Doria
Marcabru
Marcabru (Bernart de Venzac?)
Maria de Ventadorn - Gui d'Ussel
Marques de Canilhac - Guiraut Riquier
Matieu de Caersi
Montan
Paulet de Marselha
Peire - Guilhem
Peire Bremon Ricas Novas
Peire Bremon Ricas Novas - Gui de Cavaillon
Peire Cardenal
Peire d’Alvernhe
Peire de Bragairac
Peire de Maensac
Peire de Vic, monge de Montaudon
Peire Guilhem de Luserna
Peire Milo
Peire Raimon de Tolosa
Peire Raimon de Tolosa - Bertran de Gourdon
Peire Rogier
Peire Torat - Guiraut Riquier
Peire Vidal
Peirol
Peirol - Dalfi d’Alvernhe
Perdigon
Perdigon - Aymaur - Raimbaut
Perdigon (?)
Pistoleta
Pons Barba
Raimbaut d'Aurenga
Raimbaut de Vaqueiras
Raimon de Miravalh
Raimon Jordan
Rambertino Buvalelli
Ricau de Tarascon - Cabrit
Richart Cor de Leon
Rigaut de Berbezilh
Rigaut de Berbezilh (?)
Rostanh Berenguier
Rostanh Berenguier - Borc del rei d'Aragon
Simon Doria - Lanfranc Cigala
Sordel
Torcafol
Uc de Saint Circ
Ussel
Vesques de Bazas

Bertran de Preissac - Gausbert de Poicibot

Jausbert, razon ai adrecha

Jausbert, razon ai adrecha
s'auzes descobrir mon sen
ni demostrar a prezen
d'amor cum cueill fola decha.
Ben sai que son dan esplecha
drutz qu'en dona jove·s pren;
mas qui en vieilla s'enten
mord ades quan lo fols lecha.

Bertran, en vida destrecha
avetz estat lonjamen;
mas ieu mantenrai joven
e vostra razos er brecha:
quar domna vieilla ni secha
non a pretz mest nostra gen,
e dizetz tal faillimen
don devetz morir ab flecha.

Jausbert, drudari'es morta
en las joves, qu'ieu o sai,
e proeza no·i es mai,
abans n'es la claus estorta.
mas qui ab vieilla·s deporta
suavet sojorn'e jai,
e ieis d'afan e d'esmai
cui vieilla met dins sa porta.

Bertran, ben sec via torta
qui de vieilla·s met en plai;
mas cui las joves fan jai
jois e jovens lo conorta.
E fos pendutz ab redorta
qui ja met en vieilla bai!
Q'ieu conosc que miells l'estai
qui ab joves se conforta.

Jausbert, qui las joves prega
non es luenh de follejar,
qu'elas vivon de raubar
plus qu'Aspes qui cor ab ega;
per que mos cors las abnega,
mas de tal vieilla m'ampar
que·m fassa matin disnar,
ans que·m lais ir una lega.

Bertran, ben es causa pega
qui, per son cors esfrugar,
se vol de vieilla logar;
per qu'ieu ab lor no vueill trega.
E fa mal qui drut non nega
qui mais vol penre que dar
et ab vieilla·s vai colgar.
Quar non jai ab una sega?

Jausbert, diables l'agacha
qui de las vieillas ditz mau,
quar tant an lor pretz cabau
que las joves n'an sofracha,
quar putia las empacha
e vendon lor cons a frau;
e tot s'emporta la clau
qui plus deniers i destacha.

Bertran, fols es qui s'estacha
ab vieill'e tira jornau;
qu'ieu am mais un bon chivau
cavalgar que una vacha
ni roncin ab sella fracha.
E vos tenc ben per babau
e no vos tenc per leiau:
anz mentetz cum s'eratz gacha.

Jausbert, per vieillas m'esjau
que·m dan vin esperitau
e capons ab carn de vacha.

Bertran, ja vieill'ab pot blu
no·m baize per son ostau,
quar la pel a moll'e flacha.

Source: http://www.rialto.unina.it/
Page created: 13/09/2004 - updated: 2/12/2014